Shillong: Kan dei ka khubor ban pynsah nam pateng la pakmit ba na ka liang u Lat ka jylla, un shim ia ka sien jam ba un pynkup burom ia ka skul kaba la ioh ba kan rah ia ka nam lahduh jong ka lympung bah ialehkai Phutbol bna nam jong ki skul ka Subroto Mukherjee Cup.
Kane ka jingpynkup burom da u lat ka jylla u u C.H Vijayashankar, kaba la long ha Raj Bhavan hynne ka janmiet jong ka sngi nyngkong ka taiew, ha kaba u la pynkup burom ia ki khynnah skul ka Nongjri Presbyterian Secondary School, kabala lah ba kan wanphai sha la iing ryngkat bad ka nam kum ka lahduh na ka kyrdan iakhun jong ka U-15, kaba la long ha ka taiew kaba la dep ha Bengaluru, hadien ba ki la pynliem da 3-0 ia ka skul kaba dei napoh ka juylla Uttar Pradesh.
Ha kane ka jingpynkup burom, u Lat u la aiti ia ka cheque kaba long 1 lak 1 hajar tyngka, nangta ka syrnot (certificate) ia ka skul, u manager bad kumjuh ia u coach lem bad ki song ai sngewbha.
Ha kane ka jingialang la wan ban don lang naduh u Myntri Rangbah ka Jylla u Conrad K. Sangma, u Myntri ba dei khmih ia ka tnat Sports & Youth Affairs u bah Shakliar warjri, u MLA/MDC ka Mawhati, bad uba dei artad u Chairman ka Managing Committee ka skul u bah Charles Marngar.
Nalor ka jingkren na u lat, la ioh ruh ia ka jingkren na u Myntri Rangbah u Conrad K Sangma, u bah Shakliar Warjri bad kumjuh na u bah Charles Marngar., katyba ia ki kyntien pdiang burom la ioh na u Dr BDR Tiwari ba dei u Commissioner & Secretary Govenor of Meghalaya bad ia ki kyntien ai khublei la ioh na u Director Sports & Youth Affairs u u D. D Shira.
Pynkup burom u Lat ia ka kynhun ialehkai ka Nongjri Presbyterian School ba rah nam lahduh ka Subroto Cup
