Shillong: U MLA ka UDP na Nongpoh, u Bah Mayralborn Syiem u la kdew ia ka jingdonkam ban don ki kyndon kiba lah ban kyntiew ia ka kam jngohkai pyrthei hapoh ka Jylla, khamtam ba ka Jylla ka don ia ki jaka kiba ithiang, bad lyngba kane ka kam ka lah ruh ban ai kam ia kiba bun ki nongshong shnong khamtam ha kane ka por ba iakren bha halor ka kyrduh kam.
Haba wanrah ia ka short duration discussion hapoh ka Ïingdorbar mynta ka sngi, na ka liang u MLA u la pynpaw ruh ka jingsngewkhia halor ka jingpynneh ia ki jaka jngohkai, da kaba ai jingmut ban don ki kyndon naduh ka rukom bret ia ki jaboh, ka jingpyntbit ia kiba trei ha ki jait kam bapher bapher kiba iadei bad ka kam jngohkai.
U Bah Mayral u la ong ba na ka bynta ban kyntiew ia ka kam jngohkai, donkam ban don ka jingiatreilang na baroh ki liang, bad bynrap ba dang khyndiat por ba la dep la sakhi ia ka jingsngewkhia jong ki nongñiah kali tourist ka Jylla bad ban weng ia ki jingeh jong ki, ka Sorkar kadei ban thaw lad ban iarap ia ki nongñiah kali tourist.
Dei ban don kyndon ha ka kam jngohkai, sngap ia ka jingeh ki nongñiah kali tourist: Mayral
