Shillong: Ka Eastern Ri Bhoi Tourism & Environment Development ka la pynkup burom ia ka longkmie nongiakhun kti ka kong Mihsngewbha Rymbai, kaba la wanrah burom da kaba jo pia ka Grand Master Women World Armwrestling Championship 2024 kaba long ha Maldova, Eastern Europe.
Ka kong Mihsngewbha ka la rah ia ka takma rupa ha ka kyrdan jingkhia kaba 80 kilo ha ka jingiakhun kti kaba kynthup bad diang bad mon.
Ki nongialam ka seng kynthup u bah Alos Nongpoh bad kiwei, kila pdiang burom ia kane ka longkmie ha jingkieng lad Umroi ryngkat ka banner. La pyllong ruh ia ka jingkren ai mynsiem bad kyrkhu kyrdoh ia kane ka longkmie.