Shillong: Ka sorkar jylla bad ki nongtrei ka Meghalaya State Housing board kila iakhublei kti khadduh mynta ka sngi 27 tarik Nailar 2024, hadien ba ka sorkar ka la khang noh ia kane ka Board, kaba la pynkha ha ki snem 1980 eiei.
Ia kane ka jingiapajut kti khadduh, la pylllong ha phyllaw kane ka Board ha Madan Laban ban pynkut ia kane ka Board kaban sdang naduh ka 28 tarik Nailar 2024. La pyllong ia kane ka jingiakhublei hadien ba ki nongtrei kila mynjur ban shim noh ia ka Voluntary Retirement Scheme (VRS).
U MLA u bah Damanbait Lamare ula pynbna ba ka sorkar Meghalaya ka la rai ban khang noh ia kane ka Board kaba ula bat kum u chairman ha kine ki shi snem tam.
Ha kane ka jingialang khublei kti, u MLA ula pyllait ia ka jingsiew kaba shi bynta ne instalment da kaba sam ka cheque sha ki 18 ngut ki nongtrei kiba la pyndep ia ka jingshakri kaba 30 snem.
Ha kane ka prokram la iadon lang u bah F.M Dopth, Secretary ka tnad Housing, u bah T Nongsteng, Accountant, u bah D Nongsiej, S.E., bad kiwei.
Goodbye! Ia pajut kti khadduh ka sorkar bad ki nongtrei Housing Board
