Shillong: Ka surok na Nongstoin sha Maweit ka West Khasi Hills, lah ban ong ba ka dei kaba sniew tam ha ka pyrthei. Kiba iaid sha kane ka surok kin dei tang ki fourwheel kiba don gear special, lym kumta, kin sahkut ha shiteng lynti.
Kane ka surok ka ai ka jingshakri sha kiba bun tylli ki shnong ha katei ka thain hynrei ka jingsniew tasam jongka, ka la pynsahdien ha baroh ki liang bad ka la buh jingeh ia ki paidbah katei ka thain ha ka leit ka wan, ka die ka thied.
Watla ka la don ka jingpynbha ia kane ka surok hynrei la iohi ba ka jingshna ka kompeni ka long kaba suki haduh katta katta bad kane ka la buh jingeh ia ki paidbah ha ka kit ka bah. Ka bynta haduh Sdad dkhar ka la sniew tasam bha.
Ha ka jinghiar u nongthoh khubor sha katei ka jaka, la ioh ruh ban iakren bad ki nongniah kali kynthup u Bah E Lyngkhoi bad ki nongshong kali, kiba la pynpaw ia ka jingsngew dukha mynsiem na ka jingsniew palat ka surok.
Ha ka jingshisha, katei ka thain ka dei kaba seisoh bha ha ka thung ka tep, ka rep ka riang bad ka jingdon ki marpoh khyndew kum u dewiong. Jin lada ka bha ka surok, kan long katno tam ka jingkmen ia ki paidbah ban pynsuk ha ka leit ka wan bad ka kit ka bah.
Ka surok kaba 45 Km na Nongstoin sha Maweit, hap iaid 5 kynta
