Shillong: Khnang ba ki paidbah kin ioh ban sakhi lem ia ka jingiakhun hapdeng ka Shillong Lajong pyrshah ia ka North East United kaban long lashai ka 26 tarik Nailar 2024, ka sorkar ka la pynhun da kaba buh ia ki Giant Screen ha ki bynta jong ka nongbah.
Ka Lajong bad ka North East United kan iakhun ban iaknieh ban rung sha ka final jong ka lympung 133rd ka Durand Cup 2024 ha JN Stadium.
Na bynta kane, ka sorkar ka la buh Giant Screen ha Madansaw ha Golflink, Mawlai Madan Heh, Khyndai Lad, Laitumkhrah, Umpling,NEHU Parking Lot, Madan Malki. Kan don ka jingbuh Giant Screen ha Maham Syiem, Nongpoh, Nongstoin, Jowai bad ha Patharkhmah.
Lah ban kdew ba ka bor pyniaid kila kulmar thlim hadien ba ki paidbah kila tuid ban leit ticket kim ioh shuh na ka jingduna palata ka jaka shong.
Pynhun ka sorkar ia ki paidbah bym ticket Durand Cup da ki Giant Screen
