Shillong: U MDC ka Congress uba dei u Deputy Chief Executive Member ka KHADC bah Pynshngain N Syiem ula ong ba ka Congress kam dei ban kyrkieh ban shu weng noh ia ka jingiatreilang bad ka NPP hynrei kan hap bishar ban khan ban swar bha.
Ia kane ula ong haba kren sha ki lad pathai khubor ha ka 22 tarik Nailar 2024, hadien ba la wai ka jingialang ka party.
U bah Pynshngain ula ong ba ka jingleit iatreilang ka Congress bad ka NPP ha KHADC ka dei na bynta ban pynthikna ban ioh ban ai jingmut halor ka jingpynkylla ia ka Sixth Schedule ka riti synshar ka ri bad kawei pat na bynta ka jingbit jingbiang ka Council bad ki paidbah.
Ha ka jingialang, ka sur kiba bun ki paidbah ka Congress kila dawa ba ka party ka dei ban mih noh mardor na kaba iatreilang bad ka NPP.
Ym pat kyrkieh ki MDC ka Congress ban weng iatreilang bad ka NPP ha KHADC
