Babu Kular Khongjirem.
Ki riew sainpyrthei mynshwa bad kiba mynta ki iapher shisha bak-ly-bak kumba iapher ka bneng bad ka khyndew.Mynshwa,ki riewsainhima ki da dei shisha kiba la kha ia ki ban long ki nongsynshar lem ia ki paidbah(they are borne politicians).Hynrei mynta pat,ki dei tang ki politician shu thaw(today,politicians are made not borne). Ki politician mynta kiba la ithamula bad i ngiah hi shoin ban peit.Kim don shuh ka rain ka rem.Kim don nongrim wat tang shi dana ruh( politicians without principles) hynrei kmang tang ban ioh shim kabu(just to take advantages) ia ka kam shakri paidbah(political positions/ranks). Hato,ka kam shakri paidbah kalong kaba kyntang seh mynta? Ka kam shakri paidbah ka la pynhiar dor badpyntad dor shi katdei eh.Ha ka jaka ban iohnam ioh burom,ka pyn budnam pynban ia ki bad ia ka iing ka sem jongki wat hadien ha bud ruh.
Ka jingmih khubor ba lai(3) ngut ki MLA jong ka seng Congres ki ryngkoh ne ryngkang kper noh sha kawei pat ka kper kaba ki nang mut kaba itynnad bad kaba suk ba kmen ia ki,hynrei kam dei satia kumta kumba jia ha ka kper Eden hyndai.Lada ki pyrkhat pat ba ka dei ka kper Eden ruh,hynrei u bsein ne u soitan uba triem bha un don beit ban phoi ban pah kumba jia ha ka khana jong u Adam bad ka Eve(Im) ha ka kper Eden hyndai.
Kine ki MLA mynta, i kumba ki ialehkai Lodo pynban.Ka jing i shong shit bad i phuh mut- phuhmat jongki ka bym don thylliej ne bym lah batai shuh.Hynrei,to tip ba, ki ioh kiew jingkieng kumba ioh kiew jingkieng ha ka jingialehkai Lodo.Kim tip pat ba hadien pat, ki lah pat ban shah nguid bsein kha ma kha ban poi sha trai duh ha ka kyrdan longriew man briew.
Lada ki haram shisha ia ka seng Congress kaba ri bad sumar kum ka kmie jongki ban pynjop donburom iaki,kata,kin sa jot bad kordit pat hadien habud namar ka phawer ka ong,”Kordit ia ki khun kiba haram ia la ki kmie ki kpa” Ka ktien ka ong ruh ba “Ki khun tam sneng kidei ki nongshun ba sniew tam jong u briew”Ka ktien ka la maham lypa ba “Ka nongkylliang kaba kham sniew ka la ap lypa ban snoh ha piew(ka nongkylliang kaba kham sniew bad kham shyrkhei kan wan hadien” Ka kyntien ka ong ba “Ka nongkylliang kan wan beit khlem pep lada phi leh ia kaba bha ne kaba sniew ruh”.Ki khasi hyndai ki ju ong ruh ba “Kiba pynkhein jutang ne kiba pynkhein ia ka juban lak(ka ktien ba ki khlei hok mynshwa) kan sa bishar bad ngat kylla hi ha ka hok ne ka ktien la jong.”Lada jia ba kata ka ktien Hok ka bishar iano iano,ki ong,ym don dawai shuh ha pyrthei ban pynkoit ia ki.Na ka jinglalot,kan sa poi sha ka lanot.Kan sa poi ka por te, ba ‘ubavrkhiebnyngkong,un iam khadduh’. Kumta kein kan sa jia ia ki ba na ka jingkmen kiew jingkieng,kan sa poi ka por sa sha ka shah nguid bsein syndon jlang sha trai’.
Kumba ialehkai Lodo long ki MLA mynta
