Shillong: U Working President ka KHNAM u bah Thomas Passah ula ong ba ka jingdawa ban pyndam noh ia ka Personal Interview ia ki kam sorkar kiba barit ha ka grade C, D ka dei kaba rit bad kam don jingeh ia ka sorkar ba kan pynduh noh ia ka.
Ka KHNAM mynta ka 19 tarik Nailar 2024, ka la pyllong ia ka jingshong kyrain ha madan Malki ban daw ana ka sorkar ban pynduh pyndam noh ia ka personal interview ia kitei ki kam barit ka sorkar.
Katkum ka jingong ka KHNAM, ka jingpyllong ia ka personal interview ia ki kam sorkar kiba rit ha ka kyrdan C, D ka la long kum u diengpynkiang ia kiba dei hok ban ioh bad ka la pynioh lad ia kiba don kiba em bad kiba don ka jingiajan bad ki briew ha ka bor ban shu ioh suk. U la ong ba ka jingdon ka personal interview ka la ai bor ai mynsiem ban thungkam da kaba shim pisa na kiba ialeh eksamin kam.
U la ong ruh ba ka jingsngap ka sorkar ia kane ka jingdawa, ka pynpaw ba ka dei ka sorkar hi kaba thungkam sop sop namar ba ka sorkar India ka la pynduh ia kane, balei ka sorkar jylla kam leh.
Ula ong ba lada ka sorkar ka dang pyneh, ka KHNAM kan sa shim sa kiwei ki lad ban pynjur ia ka jingiakhih.
Ka Personal Interview ka ai bor ban thungkam tang ia kiba don pisa: KHNAM
