Shillong: Ka Shillong Lajong ka la pylliem ia Rangdajied United da 2-0 kol ha ka jingiakhun jong ka lympung 133rd IndianOil Durand Cup kaba long mynta ka sngi ha JN Stadium, Shillong.
Ia ki ar tylli ki kol ka Lajong la thep u Ronney Willson ha ka 26 minit ka kyllastep bad sa kawei la thep da u Kenstar Kharshong ha ka 49 ka kyllamiet, ban pynphai thylli syndon ia ka Rangdajied United.
Da kane ka jingjop, ka Shillong Lajong ka la kamai 6 point mar katjuh bad ka FC Goa, ha kaba kine kin iakynduh ha ka 17 tarik Nailar. Ha kane ka jingialehkai la wan sakhi kumba 13 hajar ngut u paidbah riew ieid phutbol ka jylla.
Ym pat lah kot bor ka Rangdajied bad ka Lajong, sakhi kumba 13 hajar ki paidbah
