Shillong: Mynta ka sngi ka 10 tarik Nailar 2024, ka KSU Sawsymper Circle, Lawbah Border Area Circle, Balat Border Area Circle bad South West Khasi Hills District ki la shong kyraiñ ha iew Mawsynram ban dawa ia ka Civil Sub-Division.
Ka seng ka la ong ba ka Mawsynram C&RD Block ka la rangbah bha bad ka la dei ban kiew sha ka kyrdan Civil Sub Division.
Ka Mawsynram Block ka dei kaba la rim bha naduh u snem 1962 hynrei ka sah kumjuh katba kiwei kiba dang mynno, kila ioh ban kiew kyrdan.
U President KSU SWKHD u samla Forwardman Nongrem u la pynkynmaw ba ka seng bunsien ka la pyrshang ban iakynduh ia u Myntri Rangbah ka sorkar jylla u Conrad K. Sangma halor kane ka mat hynrei u la leh bym patiaw bad sngap man man .
Ka seng ka ka shim ia ka rai ban pynlong da ka jingiakhih hapoh Mawsynram ha ka 22 tarik u Nailar 2024 kum ka jingpynbor ia ka sorkar ba kan ai noh ia ka Civil Sub-Division ia ka Mawsynram Block.
Ka Mawsynram Block ka la san, ka la dei hok ban kiew kyrdan sha ka Civil Sub-Division
