Shillong: Mynta ka sngi ka seng Hynniewtrep Youth Council Mawlai Circle ka la pynlong ia ka Prokram Jingiaid Paidbah ban pyrshah ia u drok. La pyllong ia kane kum shi bynta ban rakhe ia ka jingdap 10 snem ka seng.
Ia kane ka jingiaid lah sdang na khmat ka Skul Basic na Mawlai Nongkwar lyngba ka Mawlai Phudmuri ( Stand Bus) bad pynkut ha Mawlai Madanheh Playground.
Lah iashim bynta ha kane ka Prokram da ki khynnah skul bad ki Nonghikai jong ki skul bapher bapher kiba don hapoh Mawlai, ki Nongialam Shnong bad Riew paidbah ka Shnong Mawlai, ki dkhot ka Seng, ki pulit na Mawlai PS bad kiwei kiwei. Ha shi lynter kane ka jingiaid lah ioh sngew ia ki jingpyrta da ki nongiashim bynta ia ki kyntien ” Ong Em ia u droks”, ” Say No to Drugs”, ” Ki Skul ha Mawlai, ki Ong Em ia u Droks”, ” Ki Nong Mawlai ki ong Em ia u drok”, ” U Droks u Pynkordit” bad kiwei kiwei ha ryngkat ki placard ban khot ban wer bad kyntu ia baroh ki Nongshongshnong ba kin kiar na ki droks ba bun jait.
Ha ka Prokram lyngkot ha Madan Heh lah ioh ki jingkren na u Bah Donboklang Kharlyngdoh, President Mawlai Circle, Bah Samual Biam, President Seng Samla Mawlai Pyllun, Bah Arup Passah, u samla ba lah ju ngop ha ki Jingdih droks bad na u President ka HYC Bah Roy Kupar Synrem.
La don ruh ka jingiakop Poster Campaign bad short speech halor u droks ha kaba ki khynnah na ki skul bapher bapher ki lah ia shim bynta shitrhem bad ki Nongjop lah ioh ruh ia ki khusnam na ka Seng ia kaba lah sam ha katei ka prokram.
Lum ka HYC Mawlai ia ki skul, ki shnong, pulit bad ki seng samla ka Mawlai ban ialeh thma ia u drok
