Shillong: Ka kashari Meghalaya High Court mynta ka sngi 8 tarik Nailar 2024, kam pat ai ia ka rai halor ka jingkyrpad ka kynhun Yatra ban shah ban pyllong iaka jaka mane blei ha maw jymbuin.
Hynrei ha kajuh ka por, ka la bthah ia ka dorbar shnong Mawsynram ban shong pyrkhat biang halor ka rai jongka ban nym shah ia ka kynhun Yatra Pilgrimage ban leit leh niam ha ka krem Mawjymbuiñ.
Ka Kashari ka la buh ban shim bishar biang ia kane ka mukotduma ha ka 14 tarik mynta u bnai.
U nongiasaidain ba mihkhmat ia ka Dorbar Shnong Mawsynram, u bah Vivan GK Kynta u la ong ba u nongbishar u kwah ban pynbeit da kaba suk ba saiñ, bad u la bret sha ka dorbar shnong ban bishar bha ia ka kam, bad ka dorbar shnong kan shong ban bishar halor kane ka kam da kaba iasyllok lang bad kiwei kiba don bynta.
U la ong ba ka Kashari ka sngewthuh ia ka jinglong trai bad jingdon hok jong ka dorbar shnong halor katei ka jaka, bad ka la bret sha ka dorbar shnong ban bishar.
Lah ban kdew ba ka Yatra Pilgrimage ki riewngeit Hindu ka la mudui sha ka High Court hadien ba ka shnong Mawsynram kam shym la ai jingbit ba kin pyllong ia ka jingmane ha krem mawbymbuin.
Lah ban kdew dang shen, ba ka dorbar shnong Mawsynram ka pynpaw ba kam ai jingbit ia ki riew ngeit Hindu ba kin pyllong ia ka jingmane blei ha u Mawjymbuin namar ba ka dei beit tang na bynta ka kam jngohkai.
14 tarik yn shong bishar biang ka Hight Court ia ka krem Mawjymbuiñ
