Shillong: Mynta ka sngi 7 tarik Nailar 2024, ka KSU West Jaintia hills district Unit ryngkat ba ka KSU War Jaintia Circle ka la leit jurip ia ki sha ki bynta ki thaiñ Dawki- Amlympiang bad kiwei de ki jaka khap-pud bad ka Ri Bangladesh naka bynta ban ia kynduh bad ki Nongialam jong kitei ki Shnong ban iathir halor ki jinglong jingman halor ka jingjia ka kam poh-ing jong ka Ri Bangladesh.
Ha kane ka jingleit kynduh, ka seng ka la ioh ban iamir jingmut ia shibun ki mat kiba naka liang ka Seng bad ki Dorbar Shnong.
Na ka Shnong bad ka Seng ki la ia shim iaka rai ban long kiba la khreh ban ia khun lang ia kino kino ki jingialeh lada ka long ha kano kano ka bynta ruh lada ki khar Bangladesh ki thmu ban wan tur beain shaka Ri ka jong ngi la ong ka kyrwoh.
Ka lah ioh ruh ban ia kynduh ia u Officer Incharge jong ka Infiltration Dawki bad la ioh jingtip ba ki briew na Bangladesh ki pyrshang ban rung sha Meghalaya (India) hynrei Kim ioh shuh ban rung namar ba ka ophis Migration jong ka Bangladesh ka khang.
Ka seng ka lah ioh ruh ban jurip ia kawei ka shnong Amlympiang ha kaba bunsien ki khar Bangladesh ki ioh lad bha ban rung sha poh ka Ri India.
Ka seng ka la kynduh iaki Nongialam Shnong jong ka Bakur bad Dawki, kiba la iathuh ba ki khar Bangladesh kila wan ban tur ban khlong iaki maw palat ia ka No Mans land ( Zero-point) bad ka Seng kan sa shim ia ki sien jam na ka bynta ban iada ia u pud u Sam bad ka jing shong shngain ka ka ri bad ka Jaidbynriew hi baroh kawei.
Iasyllok ka KSU bad ki shnong ha khappud Bangladesh
