Shillong: Ka Akhil Bharatiya Vidyarthi Parishad (ABVP) Meghalaya ka la pynrem jur ia ki paidbhur, kiba la pynjot pynpra ia u motdur jong u khlawait ka jaidbynriew Khasi U Tirot Sing Syiem ha Dhaka, Bangladesh hynnin ka sngi ka 6 tarik Nailar.
Ia une u motdur, ka sorkar jylla ka la plie ha ka 6 tarik Rymphang, 2024 ha Indira Gandhi Cultural Centre (IGCC) ha Dhaka kum ka dak ban sah jingkynmaw ia ka histori jong une u khlawait uba ia iakhun pyrshah ia ki Dohlieh.
Kane ka jingleh riewkhlaw kam dei tang ba ki pynpra ia u mot hynrei ka pyni ruh ia ka jingbym burom ia ki kam ba u la len lade na bynta ki paidbah.
Ka ABVP Meghalaya ka laa kyntu ia ki bor badei khmih jong ka ri Bangladesh ba kin shim ia ki sienjam ba tyngeh bad ban pyntikna ban ai ka jingiada na bynta kino kino ki jingtei sahnam hadien habud.
Ki la kyntu ruh ia ka sorkar India ba kan iakren bad ka ri Bangladesh ban lait na kino kino ki jingjia kiba lah ban ktah ia ki paidbah nong India.
Pynrem ka ABVP Meghalaya ba shah pynpra u mot Tirot Sing ha Dhaka
