Shillong: U nongaiktien ka NPP u bah Himalaya M Shangpliang u la pynpaw ia ka jingsngew khia ia ka jingjia ha ka ri Bangladesh, kaba lah ban ktah ia ka jylla Meghalaya lada ym pyrkhing na ki khappud.
Haba kren sha ki lad pathai khubor mynta ka sngi, u bah Himalaya u la ong ba ka khappud ha Meghalaya bad ka Bangladesh, ka long kaba laitluid bad synjor bad, ula kyntu ia ki bor shnong ha ki thain khappud ban iatreilang bad ki bor sorkar, da kaba peitngor bad pyrkhing, ioh lehse kin don ki briew kiban wan rung tuh na Bangladesh na ka jingshah thwet ha Bangladesh.
U la kyrshan ia ka jingpynjari korphiw ka sorkar ha khappud bad ka Bangladesh ban tehlakam ia kano kano ka jingjia bym sngew tynnad.
Ha kajuh ka por, u la kyrmen ba ka jingjia ha Bangladesh kan ym neh slem khnang ba kan ym ktah ia ki iew khappud.
Ki shnong ki hap husiar ioh wan rung ki briew na Bangladesh, ong bah HM Shangpliang
