Shillong, Nailar 06: U President ka UDP u bah Metbah Lyngdoh ula kyntait ba kan don kano kano ka khubor ba ki MLA ne ki MDC kin mih noh na ka party.
Haba kren mynta ka sngi, u bah Metbah ula ong ba kum u President um shym la ioh jingtip eiei bad kam don eiei kaba kum kata ka khubor ban don ki nongialam ka party kiban mih noh na ka party.
Dang shen, ka la mih khubor ba la don ki MLA bad ki MDC na ka UDP kiba la khreh ban song jain noh ban leit iasoh noh sha kiwei pat ki party.
Ka UDP ka don 12 ngut ki MLA ha ka iing dorbar kaba 60 ngut ki MLA bad ka don lang ha kane ka sorkar MDA-2 kaba ialam ka NPP ryngkat ka BJP, HSPDP bad ki MLA shimet.
Ym don khubor ban mih noh na ka UDP, ong u bah Metbah
