Shillong: Ka samoi kaba ar jong ka Meghalaya Grassroot Music Programme (MGMP) kan sdang shen ha u bnai Nailur mynta u snem 2024.
Mynta ka snem, ka MGMP ka la iateh bad ka Hard Rock Café India, ban pyniar ia ka lyngkha jong ka rwai ka tem bad ruh ban plie lad kham paka ia ki nongrwai bad ki nongtem na kane ka jylla.
Ki nongrwai ki nongtem na kane ka jylla, kiba shah jied ha ka Hard Rock Café India, kin ioh ia ka jingkyrshan na ka MGMP ban leit tem sha kylleng ki nongbah ha ka ri India.
Haba kren sha ki lad pathai khubor mynta ka sngi 31 tarik Naitung 2024, u bah Andreas War u Coordinator ka MGMP Season 2, u la ong ba kiba bun bah ki samla bad ki nongrwai kiba shim ia ka kam rwai bad ka tem ka put kum ka kam bsa ja, kila ioh jingmyntoi na kane ka prokram MGMP.
La iathuh ba la don ruh ka kynhun tem kaba la shah jied ruh ban leit shabar jylla.
Ha ka shi bnai, ka jingpyllong ia ki jingtem jingput kan ym duna ia ka 200 sien eiei ha kylleng ki jaka jong ka jylla Meghalaya bad kumba 600 ngut ki nongtem nongput kin ioh iashim bynta.
600 ngut ki nongrwai ia 200 sien ei ei ki tamasa tem ha ka shi bnai ha MGMP
