Shillong: Ka ophis u District Sports Officer (DSO) South West Khasi Hills District Mawkyrwat mynta ka sngi kala ai T.2 lak sha ka Kong Kmoin Wahlang ban leit iashim bynta ha ka jingmareh Marathon sha Australia.
La aiti ia ka Cheque da u Deputy Commissioner u bah T.Lyngwa ryngkat ka jingdonlang u bah Damang Syngkon, District Sports Officer, u bah Bining Lyngkhoi u Athletics Coach ka South West Khasi Hills district bad ki wei de ki Ophisar sorkar.
U bah T.Lyngwa u la ong ba ka jingai ia kane ka pisa ka long kum shibynta ban iarap ia ka kong Kmoin Wahlang hadien ba ka bor District ka la pynsaphriang khubor ban ioh jingiarap na ka bynta ka jinglut jingsep jongka kong Kmoin Wahlang kumjuh ruh ia u bah Bining Lyngkhoi kum u nongialam lynti haduh ban da poi ha Australia bad la ngeit skhem ba ka kong Khmoin kan sa wanrah ruh ia ka nam ka burom ia ka jylla bad ka ri baroh kawei.
Ha kajuh ka por u bah Bining Lyngkhoi u la pynpaw ka jingsngewnguh ia ka tnad ialehkai ka jylla kumjuh ruh ia u District Sports Officer bad ia u Deputy Commissioner ka South West Khasi Hills district kiba la lah ban ai jingiarap ia ka kong Kmoin Wahlang kan ym don kano kano ka jingeh ban leit ia shimbynta ha Australia.
T.2 lak ai u DSO ia ka kong Kmoin Wahlang ban leit mareh sha Australia
