Shillong: U Chandrashekhar H Vijayashankar ula bam smai mynta ka sngi ka 30 tarik Naitung 2024 kum u Lat ka Meghalaya. Ia u Vijayashankar la pynbam smai u Chief Justice ka Meghalaya High Court, u Justice S. Vaidyanathan ha Raj Bhavan Shillong.
U Chandrashekhar u la jop ar sien kum u MP ka Lok Sabha bad u myntri sorkar barim ha ka jylla Karnataka. U la shimti ha jaka u Phagu Chauhan uba la ieh ia ka kam ha ka sngi Nyngkong.
Ka President ka ri ka Droupadi Murmu ka la thung ia u Chandrashakhar kum u Lat ka Meghalaya. U la don ha ka BJP ha ka jingim sain pyrthei jong u da kaba mihkhmat na Mysore constituency ka Karnataka ha ka Lok Sabha.
U la shah jied kum u dkhot ka iing dorbar ka jylla Karnataka Assembly na Hunsur ha 1994 bad ha u 1998 bad 2004, ula shah jied kum u MP sha ka Lok Sabha na Mysore constituency.
U dei u dkhot ka Karnataka Legislative Council ha 2010 haduh 2016.
Shimti u Chandrashekhar kum u Lat thymmai ka Meghalaya
