Shillong: U MLA ka Voice of the People Party (VPP), na Mawryngkneng u bah Heavingstone Kharpran ha ka sngi Saitjain ka 27 tarik Naitung 2024, ula ai burom kyrpang ia ki 19 ngut ki pulit pyllait im ne Search and rescue team (SRT) ka Meghalaya ha ka jingialang kaba long ha Dorbar hall Lulong Sohryngkham.
Ha kane ka jingialang, saw ngut ki pulit ophisar bad 15 ngut ki dkhot ka Fire and Emergency Services kila shah pynkup burom na bynta ka jingshakri jongki. La don lang u Darwin M Sangma, SP Fire and Emergency.
Ia ka Fire & Emergency Service Organization ha ka jylla la phiah ha ki ar bynta, kawei ka Eastern Range kaba kynthup ia ka 7 tylli ki District ha Khasi – Jaintia Hills bad ka Western Range kaba kynthup ia 5 tylli ki District ha Garo Hills.
Ka don 26 tylli ki Fire Stations bad 2 tylli ki Temporary Fire Camps hapoh u Superintendent of Police (F&ES), Meghalaya, Shillong, bad la iarap da u Divisional Officer (Divisional Fire Service Officer).
19 ngut ioh burom ki pulit pyllait im na u mla ka VPP
