Shillong: Ki shipai khappud border security force (BSF) jong ka Meghalaya kila pyrkhing bha ia ka jingpahara ia ki khappud ha shi lynter 444km ka Meghalaya hadien ba ka la mih ka jingiakynad ha ka ri Bangladesh kaba dang iaid haduh kine ki sngi.
Ki BSF kila pyndonkam da ka ‘Ops Alert’ ban pynthikna ba ki khappud kin long kiba shngain bad ban khang lad ia ka jingwan rung beain ki briew nabar.
U Inspector General (IG) ka BSF Meghalaya u Harbax Singh Dhillon ula pynpaw ba ia mynta kila shim khia kumno ban pynthikna ia ka jingwan phai kaba shngain jong ki samla pule na katei ka ri kaba don hapdeng ka jingklang. Naduh 18 tarik Naitung, 2024, ki BSF kila ioh ban iarap haduh 574 ngut ki samla pule na India kiba wan phai na Bangladesh bad kumba 435 ngut na Nepal, bad 8 ngut na Bhutan lyngba ka Dawki Integrated Check Post (ICP) West Jaintia Hills district. Kiwei pat 18 ngut ki wan phai na ICP Kilapara ha West Garo Hills district ka Meghalaya.