Shillong, Naitung 22: U Myntri ka tnad kam pohïing ka ri u Amit Shah ula khot iakren ia ki Chief Executive Member (CEM) jong ki 10 tylli ki Autonomous District Council (ADC) kiba don ha ka thain shatei lammihngi ka India.
U CEM ka KHADC u bah Pyniaid Sing Syiem uba la jied ka jingialang ban ai khubor ia ka rai ka jingialang mynta ka sngi ha New Delhi, u la pyntip ba ha kane ka jingialang kaba long mynta ka sngi, kin leit iakynduh ia u Amit Shah lashai ka sngi ban pynkylla ia ka 125th Amendment ka riti synshar ka ri ban kynthup lang ia ka jingpynkylla ia ka Sixth Schedule.
U la ong ba la jied ia u bah Pyniaid kum u Convener jong ki 10 tylli ki ADC kiba don ha ka North East bad kawei pat ka rai ka long ban dawa ban wanrah noh ia ka jingpynkylla ia ka Sixth Schedule ha kane ka dorbar lyiur jong ka Parliament.
Ki ADC ki don 3 tylli ha Meghalaya, 3 tylli ha Mizoram, 3 tylli ha Assam bad kawei ha Tripura ha kaba ki don la kijong ki jingeh jongki bad ka donkam ban wanrah ia ka jingpynkup bor kaba kham khlain.
“Ngin pyllong ia ka jingialang baroh ki ADC ha u bnai Nailar ha Shillong”, la ong u bah Pyniaid.
U bah Pyniaid u la ong ba ka KHADC ka kwah ba ka sorkar India ka dei ban pynkhlain shuh ia ka Sixth Schedule bad ban wanrah ia ki jingpynkylla ia ka Sixth Schedule. U la ong ba ka jingjia ha Bangladesh, ka dei kawei ka nuksa ha kaba ki ADC ki donkam ban don ka bor kaba kham khlain ban iada ia ki trai shnong.
“Ngin aiti 37 ngut ban don ki MDC kynthup ar ngut ban shu sieh bad na kine ki MDC shu sieh, kawei kan dei ia ka kynthei bad kawei ia shynrang”, la ong u bah Pyniaid.
Mynta yn kynduh ki CEM ki 10 tylli ki ADC ia u Amit Shah, lah ban pynkylla ia ka Sixth Schedule ha dorbar Parliament
