Shillong: Ka Meghalaya Swimming Association (MSA) mynta ka sngi Thohdieng jong ka taiew ka la sdang ia la ka lympung iakob jngi kaba la tip ia ka kum ka 17th State Aquatic Championship ba la pynlong ha pung jngi jong ka Crinoline, ba dia kane ka jingiakob la lah ban pynlong ryngkat ka jingkyrshan jong ka tnat Directorate of Sports & Youth Affairs ka jylla.
H akane ka jingiakob la phiah ia ka ha ka kyrdan jong ki sub junior, junior nangta Group 1, 2, 3 bad ki senior bad haba khein kyllum ki nongwan iashim bynta ki la kynjuoh sha ka 140 ngut.
Haba iadei bad kane la ioh ban iakren bad u Secretary ka synjuk u bah ian Lyngdoh, ha kaba u la pyntip ba ki nongjop na kane ka jingiakob kaba mynta ka kynti kin ioh ia ka lad ban mihkhmat ia ka jylla ha ki lympung iakob jngi kiban long ha ka ri kawei kaba long ha Odisha bad Mangalore, Karnataka ha u bnai nalar u ban wan
Haba kylli ba balei ba ka MSA kam juh lah ba kan pynlong ia ka diving kaba lada shisien peiut ka I iahap bha bad ka rynieng ka ryniot jong ki khun samla, u bah ian haba jubab ia kane u kubur ba ka long kaba dei tangba hap ban da pynshong nongrim bha kat kum ka juk wad jingstad ne ka scientific evidence, kaba ar pat lada kwah ban pynlong hap ban don ruh ia ki pung kiba kyrpang ban pynlong ia kane.
Kampher wat lada ka pung Crinoline ka don ia ki rynsan ban ia ryngkoh, hynrei u bah ian u pynpaw ba kim pat long kiba biang namar ban pynlong hap ban da leh janai bha.
Haba kylli la ki khynnah kiba shah jied kaMSA kan da ai ne em ia ka jingkilan kaba paka bad ioh jingiarap biang na ka sorkar jylla, u bah ian hangne u sngew ban pyrto ia ka sorkar khamtam ia ka tnat sports kaba la iarap shibun ban buria pisa ban leit iashim bynta sha ki lympung ialehkai ba heh ha ka ri bad u da ong artad ba donbok ba ha ka tnbat sports mynta ka don shisha ia ki nongtrei kiba kit jingmut bad ba thmu shisha ban kyntiew ia ka sports.
Sdang ka lympung iakob jngi ba 2 sngi ka msa ha pung Crinoline
