Shillong: La katto katne bnai mynshwa ha u Rymphang 2024, ka North Eastern Council (NEC) kala ai jingmynjur ïa T. 11 klur ban shna pynbha bad pynwandur thymmai ïa ka Ïewduh, kaba dei ka Ïew kyntang ba la rim duh jong u paid Khasi hapoh ka Jylla.
U Secretary ka NEC u K Moses Chalai ula ong ba kin sa pynbha bad pynkylla dur thymmai ïa ka Ïewduh bad ka pisa ka dei kaban dang pyllait.
Ka NEC ka dang bishar bniah ïa ka Detailed Project Report (DPR) ban pynbha bad pynwandur thymmai ïa kane ka Ïew.
U Chalai u pyntip ba ka pisa ka dei kaba lah ban pyllait hapoh kine ki ar-lai bnai ban wan bad ka Sorkar Jylla ka dei ban pyntreikam noh mar mar ïa ka.
Kumba ka long haduh mynta, ka Iewduh ka dang kup da ka riam ka beit kaba irynjain bad jaboh namar ka jingbym biang ka rukom pyniaid ia ki paip um, ki nala nalor ka jingkhapngiah.
Nalor ka jingjaboh, ka jingbym long khuid, ka don ruh ka jingsma kaba jur na ka jingbym biang ka jingpyniaid ia ka um, bad ka jaka bret jaboh.
Lano kan sdang ka T. 11 klur ban kup riam thymmai ia ka Iewduh
