Shillong: U Rangbah shnong ka Mawlai Mawroh u bah Harbour Lyngdoh ula ong ba ki dorbar shnong kam lah ban pdiang ban shu dkhat jubor ia ka Mawroh na ka Mawlai konstiwensi.
Haba kren sha ki lad pathai khubor hadien ba la wai ka jingialang paidbah, u la ong ba Watla ka Mawlai kadei ka shnong kaba heh paid hynrei ban shu weng jyndat ia ka Mawroh khlem Ka jingnynjur ki paidbah kim lah ban pdiang.
Ula ai jingmut ba dei ban pynpait arliang noh ia ka mawlai kata ka Mawlai A bad Mawlai B. Lada ki phiah ar bynta ki lah ban pdiang hynrei Ban shu dkhat noh ia ka Mawroh na Mawlai kim iahap bad Kim lah ban pdiang sha Jaiaw namar ba kin duh ia ki skhim ba la pynkhreh bad Kim kwah ban hap hapoh ka Municipal board.
Halor kane, u Rangbah shnong ula ong ba kin sa leit ban iakynduh ia u Chairman ba la thung da ka KHADC ban kyrpad ban nym pynhap ia ka Mawroh sha Jaiaw.
Ka Mawlai Mawroh ka la lum ia ka dorbar paidbah mynta ka sngi ha kaba la wan iashim bynta baroh ki nongshong shnong bad kila rai ban ym treh ban leit sha Jaiaw konstitwensi hynrei ki kwah ban neh beit ha Mawlai konstitwensi.
Ym treh ka Mawroh ban don sha Jaiaw ba hap ha Municipal, kwah ban neh ha Mawlai konstitwensi
