Shillong: Ka Khasi Students’ Union (KSU) ka la pynieng khyrdop ban talasi ia ki mynder kiba rung sha kane ka jylla ha ka thain Umkiang, East Jaintia Hills.
Ia kane ka khyrdop la pynieng harud ka surok NH-6 ha ka shnong Umstain hynne ka step sngi Nyngkong ka 15 tarik Naitung 2024.
Ka KSU kala shim ia kane ka sienjam ban pynbor ia ka Sorkar ba kan pyntreikam noh ia ka Inner Line Permit (ILP) ha Jylla bad kumjuh ruh ia ka Meghalaya Residents Safety & Security Act (MRSSA).
Ha kine ki khyrdop, ka KSU kala pynieng ruh ia ki banner kiba don ia ka jingthoh “ Ka Inter-State Migrant Workmen ( Regulation & Employment and Condition of Services) Act, 1979 (Work Permit), kala treikam ha Jylla Meghalaya naduh ka 28 tarik Naitung 2011.
Na ka liang ki bor Pulit ka thain, kila hiar sha kane ka khyrdop ban pynsangeh ia kane ka jingtalasi briew ki dkhot ka KSU bad khamtam ban ym pynmih ia kano kano ka huri hura, kaba lah ban pynthut ia ka shongsuk shongsain.
Pynsangeh ki bor pulit ia ka khyrdop talasi mynder ka ksu ha East Jaintia
