Shillong: Ka long ka sngi sah nam pateng la pakit ha ka lympung ialehkai phutbol jong ki skul ha kane ka jylla, hadien ba baroh lai tylli ki skul na ka dong Ri-Bhoi ki la ioh ba kin rah ia ki nam lahduh joing baroh ki lai tylli ki kyrdan iakhun jong ka State Level Subroto Mukherjee Cup Football Tournament 2024.
Ki lai tylli ki skul na Ri-Bhoi kiba la rah mynta ka sngi ia ki nam lahduh ki kynthup ia ka Nongjri Presbyterian Secondary School ha ka U-15, Christian Higher Secondary School ha ka U-17 girls’ bad ka Myngken Christian Higher Secondary School ha ka U-17 ki shynrang.
Kane ka rekod ka la wan ba kan mih paw ha ki lai tylli ki phainal kiba la pynlong ia ka mynta ka sngi, ha SSA Stadium, First Ground Polo, bad da kane ka jingjop kine baroh lai tylli ki skul kin ioh ba kin leit ban mihkhmat ia ka jylla sha ka lympung bah jong kane ka lympung kaban long pat shen ha nongbah Delhi.
Haba phai sha ki jingiakhjun phainal, ha ka U-15 ki khynnah shynrang, ka kynhun ki khynnah ialehkai jong ka Nongjri Presbyterain Secondary School, ki la lah ban pynliem noh ia ka Government Boy’s Higher Secondary School, West Garo Hills da 4-1.
U namtam ha kane ka jingiakhun dei u Prosperwell Ryntong uba la lah ban lam khmat ia ka skul ban thep haduh ar kol ba la wan ha ka minit kaba 18-47 bad ia ki ar kol kiba sah la thep pat ia ki da u Dabatskhem Rymbai mini tba 11 lyngba ka penalty bad u Chanjip Chetri ha ka mini tba 13.
Katba ia ka shi kol ka Government Boy’s HSS Tura Thang Guo Lun Vaiphei kaba la wan tang hapoh shi mini tba la sdang kane ka jingiakhun.
Haba phai sha ka U-17 ki khynnah kynthei, ka kynhun ki thei ialehkai ka Christian Higher Secondary School ki la lah ban pynliem da 4-0 ia ka Kyrshai Government L.P & U.P School (West Khasi Hills)/
Ia kine ki saw tylli ki kol la thep ia ki da Darika Rani (5′), Rimika Khongkai (20′, 51′) and Pynibha Rangthaluh (25′).
Katba ha ka jingiakhun ia ka U-17 ki khynnah shynrang ka la lah a kan pyn,iem da 2-0 ia ka North Liberty Higher Secondary School of West Jaintia Hills bad ia kine ki artylli ki kol la the pia ki da u Mebankhraw Nongrum (21′) and Banganson Nongpalang (42′).
Ha kane ka kynti la sam ruh ia ki khusnam ba kynsai ba kynthup ia ka nam best goalkeeper ka leit sha u Thrisilbirth A Sangma ka Tura’s Govt Boys HSS (U-15 boys’), Ibashongkun Shylla ka Christian HSS (U-17 girls’) bad u Wanpli Malang ka Myngken Christian HSS (U-17 boys’).
Katba ka nam nongialehkai ba kynsai (best player) ha kane ka lympung ka leit sha Prosperwell Ryntong ka Nongjri Presbyterian SS (U-15 boys’), Daiamon Marboh ka Christian HSS (U-17 girls’) and Banplibok Khongjoh ka Myngken Christian HSS (U-17 boys’).
Ki kynrem ki lyndan ba la wan ban ia ia sakhi bad don lang ha kane ka sngi ka kynthup ia Secretary of the Department of Sports & Youth Affairs Isawanda Laloo, Director of Sports & Youth Affairs D.D Shira, Meghalaya State Olympic Association Working President John F Kharshiing, Meghalaya Football Association President Hamletson Dohling bad Shillong Sports Association General Secretary Dipshon L Nongbri, ia kaba la pynshongshit shuh shuh da ka jingwan ban ia synran bad ai mynsiem ia ki nongialehkai da ki nonghikai bad ki khynnah.
Jah kyrteng lut kiwei ki skul na ki district, niom naphang ka skul na Bhoi ia baroh 3 tylli ki kyrdan ka Subroto Cup
