Shillong: Ki pulit ka ri-Bhoi kila kem ar ngut, uwei uba la kynnoh ba dei u dkhot ka seng kiengatiar ka Hynniewtrep National Liberation Council (HNLC) bad uwei uba dei uba la shah kynnoh kum u nongiarap.
Ha ka kyrwoh mynta ka 11 tarik Naitung 2024, u Superintendent of Police (SP) ka Ri Bhoi u Jagpal Singh Dhanoa, IPS, ula ong ba la kem ia u Kynshaijun Thabah 32 snem na Kynton, Umlyngka bad u nongiarap u Sanborlang Rapsang 38 snem na Mawlai Umjajiew.
Katkum ka kyrwoh, u SP u la ong ba ka jingioh kem ia kine, ka dei hadien ba la phla ki saw ngut kiba la shah kem kham mynshwa kiba kynthup ia u Cyfrank Paul Pariat, Kitbok Mujai, u Barnabas Lyngdoh bad u Wanpynshngai Dympep. U la ong ba ha ka jingtohkit, u Cyfrank Paul Pariat, ula phla ba u la leit shah hikai sha Bangladesh bad u Kynsaijun Thabah na bynta shi bnai ha u Naitung haduh shiteng u Nailar mynshem snem bad hadien kila wan phai biang sha ki ïing jongki.
Ha ka 5 tarik Naitung 2024, u Kynsaijun Thabah u la shah kem bad ha ka jingtohkit ula phla ba u dei u dkhot ka seng HNLC bad ula dep shah hikai ha kitei ki bnai bad u Cyfrank Pariat. Hadien kane, u la phla ba u Sanborlang Rapsang uba la iarap ia ki ban leit ban wan sha Bangladesh mynshem bad halor kane, ki pulit kila kem ia u Sanbor Rapsang bad ka jingtohkit ka dang iaid, la ong u SP.
Shah kem 2 ngut kiba suba HNLC ha ki pulit Bhoi, uwei na Mawlai, uwei na Kynton
