Shillong: U president ka NPP u Conrad K Sangma ula ong ba ka party ka la ioh ia ka jingai jingmut ia ki katto katne ki kyrtong ban iakhun ia ka elekshon shiteng samoi na Gambegre konstitwensi.
Haba kren mynta ka sngi, u Conrad ula ong ba ka State Election Committee ka NPP ka la phah sha ka National Committee ka NPP, bad ia mynta ym pat rai iano ban ai tiket.
Ka Gambegre konstitwensi ka la sah thylli namar ba la iehnoh u MLA ka Congress u Saleng A Sangma hadien ba ula jop ia ka elekshon kum u MP ka Tura konstitwensi sha ka Lok Sabha.
La ioh ia ki kyrteng, yn sa pynbna ia u kyrtong na Gambegre, ong u Conrad
