Shillong: Ka seng HITO West khasi hills district mynta ka 6 tarik u Naitung 2024, ka la kynnoh ba u kontraktor uba pyntrei ia ka surok PMGSY ha Nongkseh, kaba hap ha Nongstoin konstitwensi, u leh bym suidniew satia ban pyntrei ia katei ka surok.
Ka la ong bai a katei ka surok la mang pisa naduh u snem ka 17 tarik Risaw 2019 bad la dei ban pyndep haduh ka 2 tarik Nailur 2025, hynrei haduh mynta ia ka surok ym pat paw dur surok eiei ruh em.
Ka HITO ka la ong ba u Contractor uba dei pyntrei ia kane ka surok u la ai daw ba dei namar ba slap hynrei na ki por sha ki por u shu aidaw beit da kumne kumtai.
Katkum ka jingiathuh jong ki nongshong shnong, teng teng ia ki maw ba lah theh ruh u dang khlong biang ban pyndap shawei.
Ka la kynnoh ba ka rukom treikam jong u ka pyni shai ba ym long uba kotbor ban trei ia kane ka kam namar kiwei kiwei ki contractor kiba pyntrei ia ka schemes PMGSY ha kiwei ki shnong lah dep ban shna.
La iathuh ba kila ju thoh sha ka PWD halor kane ka jingbym iaid tista ki kam hynrei kam shym la ai jubab eiei.
Ka shnong ryngkat bad ka Seng ki la maham ba lada u dang kwah ban bteng ban trei u dei ban pyni noh ia ki kam bad lada ym sngew lah u la dei ban pyndem noh shi syndon ia katei ka Tender khnang ba kin ioh Re-tender noh da kiwei pat ki Contractor kiba lah ban trei ia katei ka kam.
Lada um sngew lah, dei ban pyndem noh, ka HITO ia u kontraktor ba trei ka surok Nongkseh
