Shillong: Ka lympung lehkai kaba 133rd jong ka Indian Oil Durand Cup kan sdang ha ka 27 tarik Naitung bad ia ka jinglehkai phutbol yn pynlong ha ha ki saw tylli ki nongbah jong ki jylla kynthup ha Kolkata, Kokrajhar, Shillong bad Jamshedpur.
Ha kane ka lympung kin don 24 tylli ki kynhun lehkai kiba iakhnieh ban ia ka Durand Trophies.
Kane kadei ka sien ba nyngkong ba ka Jamshedpur bad Shillong, kin pdiang ia kane ka lympung lehkai.
Ha kane ka lympung jong ka 133, ki 24 tylli ki kynhun kiban iashim bynta kidei ki kynhun kiba ju ialehkai ha ka Indian football, kum ka Indian Super League, I-League bad kiwei de ki kynhun kiba shah khot kyrpang na ki Armed Forces.
U Lieutenant General u Ram Chander Tiwari UYSM, AVSM, SM, General Officer Commanding-in-Chief jong ka Eastern Command, ula ong “ ka jinglehkai Football kam dei tang ka jinglehkai hynrei kadei ruh ka rynsan kaba lah ban wanrah ia ka jingiatylli ki briew na kylleng ki jaka bad na ki kolshor bapher bapher.”
Ha kane ka lympung yn don 43 tylli ki jinglehkai bad ia kine ki 24 tylli ki kynhun yn phiah sha ki Hynriew bynta.
Ia ki jinglehkai jong baroh ha kane ka lympung jong ka Durand Cup yn pyni LIVE ha Sony Sports Network (SSN) bad ha SonyLiv OTT platform.
Ka lympung ialehkai Durand Cup ha Shillong
