Shillong:Ka seng Hynniewtrep Youth Council HYC ka la khang da u tala ia kawei ka dukan u bar jylla, kaba ju thied naphang ia ki tiar ba ju wan die ki nongdih drok, kiba shu tuh.
Kane ka dukan ka don ha Polo bad ka seng ka la lap ia kane ka dukan, dei hadien ba la iathuh ki nongdih drok kiba la ioh bat ka seng. Kane ka dukan kaba ju thied naphang ia ki tiar ba leit die ki nongdih drok hadien ba kila ioh tuh ba kynthup ia u nar rod, ki tape bad kiwei kiwei de ki tiar.
U Assistant organizing seng kmie u bah Shanbor Marwein u la ong, ba ka seng ka leit khang ia katei ka dukan ka dei ruh halor ka jingioh jingujor na ki nongshong shnong jong katei ka thain.
Ka seng ka la maham tyngeh ia utei u bar jylla bad lada jia ba u dang thied bad plie ia katei ka dukan ka seng kan sa shim da kiwei pat ki sienjam.
Lap ka HYC ia ka dukan ba thied ia ki tiar ba wan die ki nongdih drok ha polo
