Shillong: Ha ka 27 tarik u Jylliew 2024, ka Khasi Students’ Union Malki Circle ka la pynlong ia ka jingialang ban pyntian smai bad pynskhem ïa ki dkhot ba thymmai jong ka Executive Committee kumjuh ruh bad iaki 5 tylli ki Tnat treikam kiba kynthup iaka Nongpyngrope Unit, ka Khliehshnong-Wahkdait Unit, ka Kharmalki Unit, ka Pdengshnong Unit bad ka Lum Balang-Nongshiliang Unit ha Indoor Stadium Malki.
Na bynta ka samoi Treikam 2024 -2027, u samla Iashanborlang Mukhim la jied kum u President bad u samla Andrew Gary Dkhar kum u General Secretary.
Ha kane ka sngi, ki dkhot ba shah pyntian smai ki la ïashim bynta ha ki jingïakren halor ki mat ba kongsan kum ka pule puthi, ka roi ka par, ka jing khuid jing pynneh pynsah iaka mei mariang, bad kiwei de ki jingdonkam ba kongsan ha ka imlang sahlang.
La sakhi lang u President rangbah ka KSU bah Lambokstarwell Marngar, u General secretary u samla Donald V Thabah bad kiwei.
U samla Iashanborlang bad u samla Andrew kum ki Nongialam ka KSU Malki Circle
