Shillong: Ka sorkar jylla ka la pyllait paidbah ha kane ka sngi Palei ia ka Chief Minister Research Grant (CMRG) na bynta ban ai sha ki nongwad bniah halor ki spah kiba iadei ia ka lariti jong ka jylla.
Ha kane ka CMRG, kawei ka jingwad bniah la mang ban ai T.3 lak sha u nongwad bniah bad ia mynta, ka sorkar ka la mang ban sdang 50 tylli ki jingwad bniah.
Ka CMRG ka thmu ban pynkhlain ia ka jingwad bniah ha ka rukom kaba janai, ban beh sha ka thong jong ka roi ka par jong ka jylla lyngba ki kam pynroi kiba la leh ka sorkar.
U myntri rangbah ka jylla u Conrad K Sangma ula pyllait ia kane ka prokram ryngkat ka jingdon lang u myntri ka tnad lariti bah Paul Lyngdoh mynta ka sngi.
Lyngba ka website bad ka portal, ki riew pule, ki nongwad bniah ki lah ban aplai ban leh ia ka jingwad bniah bad ka jingbuh bui ia ki jingwad bniah.
Haba kdew ba ka jylla ka duna bha ka rukom wad bniah, u myntri rangbah u la ong ba ka jingwad bniah bad ka jingbuh bui ka dei ki maw khrum bad ki jylla bad ki ri ki la ban jur ban don ka jingbuh bui namar ba kan iarap ia ki pateng ban wan ban sngewthuh bad ban ioh jingtip ia ka mynnor bad ban pynwan dur kham bha shuh shuh.
3 lak kawei ka jingwad bniah, yn sdang 50 tylli ki jingwad bniah
