Shillong: Ka seng sain pyrthei kaba rim tam ha ka jylla, ka HSPDP ka la iawer lang ia kiwei ki kynhun bapher bapher bad ki seng sain pyrthei ba kin iawan iasnohkti lang jong kiwei ki seng sain pyrthei ka jylla bad ki sengbhalang ban pynjur ia ka jingdawa ban ioh ia ka lajong ka jylla, Khasi-Jaintia State.
U President ka HSPDP, u bah KP Pangiang u la ong ba ha Garo Hills, ki kynhun seng bapher bapher kum ki Nokma, ka Mother Union bad kiwei kila iasohkti lang ha ka jingiakhih ban ioh ia ka Garoland jongki.
Watla ha kane ka rilum Khasi-Jaintia, ki don ki kynhun bapher bapher hynrei ka shu iapher tang ki kyrteng hynrei ki mat treikam jong ki sengbhalang ki don kajuh ka thong. Kumta, kan bha ban iawan lang ha kajuh ban dawa ban ioh ia ka jylla lajong, kumba long u Mizo, u Naga, Manipuri bad kiwei.
Wer ka HSPDP ia ki paidbah rilum khasi-jaintia ban iasnohkti lang ban dawa ia ka Khasi-Jaintia state
