Shillong:U Chairman jong ka Khasi Hills Autonomos District Council, u Bah Lamphrang Blah u phah ka jingsngewlem halor ka jingkhlad noh u Bah Teinwell Dkhar MDC ka Shella konstitwensi.
U bah Teinwell Dkhar u long u nongialam ba rangbah bad jai jai, ula jop kum MDC saw term naduh u snem 2004 bad ula bat kum u CEM, Chairman, Nongialam ka Liangpyrshah bad kiwei ki kam ha KHADC.
Ka jingkhlad noh jong u ka long ka jingduh ba khraw ia ka Council bad ka jaidbynriew.
Na ka liang u Bah Blah ula phah ka jingsngewlem sha kiba haiing hasem ba u Blei un don ryngkat ban pyntngen ha kum kane ka jingjia ba sngewsih.
Sngewlem u Chairman KHADC ia u bah Teinwell
