Shillong: U nongoialam ka Hynniewtrep Youth Council, Sohiong Zone, u bah Purningstar Shabong lem bad kiwei pat ki dkhot ki la shah khot hajir sha Sadar police Station, ba dha ka juh ka por ki la shah pynngat ruh ha ki kyndon ain jong ka jingbyrngem bad shoh briew.
Kane ka jingshah khot hajir ki dkhot ka HYC Sohiong ka dei hadien ba ka synjuk ka la leit ba kan tuklar dalade ba dban pan ia ki kot ki sla nha ki bar jylla kiba la pynhtrei ia kawei ka iing jong ki briew ha ka shnong Umsaw, sohing, East Khasi Hiss District.
Ia ka ejahar pyrshah ia u bah Purning bad ki dkhot ka HYC ka dei kaba la ujor lyngba ka ejahar jong u bah Bah Phriden Thabah uba dei u trai jong ka ïing, uba la khot da ki nongtrei bar jylla kaba dang shu shna thymmai ha Umsaw, bad ha kane ka ejahar, la ong ba na ka liang u bah Phriden ula kynnoh ba ki la pynmynsaw ia ki nongtrei bar jylla kiba shna ïa ka ïing jong u.
Haba iakren bad ki lad pathai khubor , hadien ba la mih na ka jingshah khot hajir jong ki Pulit, u bah Purningstar Shabong u la ïathuh ba ka seng hadien ka jingïoh jingujor na ka Shnong ka bym shym la ai NoC, ha ka 7 tarik bad 10 tarik jong mynta u bnai ka la leit ban khynra ia ki kot ki sla bad lap ruh ba Haduh 16 ngut ki bar jylla ki trei bad tang katto katne ki don ki kot ki sla hynrei bun na kita kim don ia ki kot ki sla kiba biang bad ki la phah sangeh noh.
Nalor katta u la kyntait ruh ba ka la don ka jingktah kti ia ki bar jylla ba wan trei bylla ba trei ia kane ka iing.
Ha kane ka nsgi la synran lang da ki dkhot ka seng bad kumjuh ki longkmie.
Shah khot hajir u nongïalam ka HYC Sohiong la pynngat ha ka kyndon byrngem bad shoh briew
