SHILLONG: U MP ka VPP na Shillong, u Dr. Ricky Andrew J Syngkong u la bam smai mynta ka sngi hapoh Parliament kum u dkhot ka Lok Sabha. Ia ka jingbam smai la pyniaid u Protem Speaker jong ka Lok Sabha kaba 18.
Hadien ba la dep ban bam smai, u Dr. Ricky, u la khublei da ka ktien Khasi bad Garo, da kaba ong, “Khublei shibun”, “Metela’ bad u la leit ban ai khublei ia u Protem Speaker.
U Dr. Ricky u la pynliem kput ia u kyrtong ka Congress u bah Vincent H Pala na Shillong Parliamentary constituency haduh 4 lak vote duna ha ka jingpynbna kaba la long ha ka 4 tarik mynta u bnai.
‘Khublei shibun’, ‘methela’, ong u Dr. Ricky hadien ba bam smai ha Parliament
