Shillong: Ka Child Friendly Shillong mynta ka sngi 24 tarik Jylliew 2024, ka la plie paidbah ia kawei ka bynta ban ai jingshakri kaba khambha, kaba la tip ‘one campaign’ bad ka phang jong ka campaign ka dei “Mano ba lah ban iada ia nga? Ma nga bad Ma Ngi”. Ka ktien phira jong kane ka long “Pynkhlain ia ki sawdong kiba shngain ia ki khynnah”.
Ka Child friendly Shillong ka dei kawei ka khynhun kaba trei na bynta ki khynnah kumno ban pynshlur ia ki, ba kin wan shakhmat ban pynpaw ia ki jingeh jong ki bad ruh ban pynsngew thuh ia hok jong ki ha ka imlang ka sahlang.
Ia kaba la plie paidbah da u Fther James Thyrniang, haba ka jing ia don lang ki ophisar jong ka sorkar jylla.
Ka District Child Protection Officer, East Khasi Hills, ka kong Mait Warjri ka la ong ba donkam ban pynkhlain ia ka jingiadei bad ki khynnah namar ki khynnah ki dei ka lawei ka imlang ka sahlang bad lada ym pynkhlain ka jingiadei bad ki, ka lawei jong ki ka lah ban long kaba sakma.
Ka Child Friendly Shillong ka Civil Society Mobilisation Officer ka kong Banabel Kharsati ka la ong ba ka jingplie ia kane ka campaign ka dei shibynta ban pynsngewthuh paidbah ba ki khynnah ki donkam ki jaka ban lehkai katkum ka por jong ki bad ki bor shnong ki dei ban ai jaka ia ki khynnah ban lehkai namar kum ba long mynta ka babun ki kim ioh jaka shuh ban leh kai Khamtam ha sor Shillong.
Ha kane ka sngi la wan shim bynta lang ki nonghikai ki khynnah skul bad kiwei ki nongshah khot sngewbha.
Ban pynshlur ia ki khynnah ban pynpaw iaka jingeh, la plie ia ka ‘One Campaign’
