Shillong: Na ka jingheh kynsan ka um mynta ka sngi, uwei u khynnah ula shah rong bak ha ka umsaw katba iasum bad ki paralok ha Urkaliar.
Une uba shah rah ha ka um la tip kyrteng kum u Shidhar Shatri, u la don kumba 15 snem ka rta, bad u sah ha ka shnong Nongmensong.
Ha ka jingshisha, kila leit sum lang bad ki paralok jongu kumba 3 ne 4 ngut eiei hynrei ka umsaw kaba heh kynsan na ka jingther u slap, ka la wan rong ia 2 ngut tangba uwei u la lait noh.
U kpa jong utei u khynnah ba shah rah, u Krishna Shatri, u la ong, u khun jongu, u dang leit jngi bad ki paralok hajan ka wah Urkaliar hynrei kynsan kynsan la wan ka umsaw kaba kit bak ia 2 ngut katba u wei pat u la lait im na ka jingiarap jong u wei pat u khynnah.
Ki bor pulit bad ki paidbah ki dang pynlong ka jingiawad ban lap ia utei u khynnah uba la shah rong ha ka umsaw.
Katba dang sngew bang ban sum, shah rah uwei ha ka umsaw na Urkaliar
