SHILLONG: Da ki spah ngut ki khynnah bap oh 13 snem mynta ka sngi, 22 tarik Jylliew 2024, kila wan ban sei bad pyni ia ki sap ialehkai kynjatbol jongki ha madan SSA stadium, Polo Shillong. Ia kane ka lympung jied nongialehkai, la pyllong ka Shillong Lajong Football Club.
Ki khynnah ryngkat kiba haiing hasem kila wan ban pyrshang ha kane ka lympung jied nongialehkai ka Shillong Lajong.
Ka Lajong ka la pyllong ia kane ka lympung jied nongialehkai na bynta ban shim ha ka skul kynjatbol jongka, ia ki khynnah kiba don ka sap ka phong naduh kiba ialehkai shakhmat, shadien bad kumjuh sha ka pyngkiang, nalor u nongapkol.
Da ki spah ngut wan shah pyni sap ki khynnah ha ka lympung ka Lajong
