SHILLONG: Ka Nongpiur SC pyrshah iaka Umlyngka Sports Club ka la rah ia ka nam lahduh ka under-15 jong ka 14th A.S Khongphai Memorial Football Tournament 2024, kaba pynkut mynta ka sngi ha Nongumlong.
Ka Nongpyiur ka la pynliem da ka tie-breaker 5-3 kol ia ka Umlyngka hadien ba la iakhaid ha ka jingiakhun ha ka por kaba la buh.
Ia ka Khusnam nongialehkai ba khynnah tam la ioh u Samla Mateishaphrang Kharlor na Nongumlong bad u Samla Lifarson Thawmuit na Nongpiur ia ka Best Dissiplin team la ioh ka Nongumlong SC bad ka Best Manager la ioh ka Umlyngka bad iaka Best Goalkeeper la ioh u Ronald Jyrwa na Umlyngka, ia ka best top score la ioh u Rahul Sarkar na R.I.H FC ( Lumpdeng), ia ka Best player ka lympung ialehkai la ioh u Samla Andrews Tyngsong na Nongpiur.
Ka lahduh ka la ioh da ka pisa 20 hajar ryngkat ka khusnam bad katba long baar ka la ioh 10 hajar bad ka khusnam.
Ha ka sngi kut, la wan sakhi lang u MLA ka thain u Bah Ronnie V Lyngdoh kum u Kongsan bad samla u Eugeneson Lyngdoh kum u Symbud Kongsan ryngkat kiba haing hasem jong u A S.Khongphai kumjuh ki Nongkitkam jong ka Association bad kiwei.
Rah ka Nongpyiur ia ka kynjatbol ba 14th A.S Khongphai ha Nongumlong
