Shillong: Ha ka 21 tarik Jylliew 2024, u myntri rangbah u Conrad K Sangma, u Symbud Myntri Rangbah bah Prestone Tynsong, ka Director General of Police (DGP) kong Idashisha Nongrang, u MLA ka Rambrai u R. Momin bad u MDC ka Mawshynrut, u SP ka West Khasi Hills bad kiwei ki heh sorkar kila hiar sha ka Mallangkona ha ka jingplie ia ka Police Outpost.
Katkum ka jingkren u Conrad, kane ka dei ka jingdawa kaba la slem bah jong ki paidbah katei ka thain ban ai ka jingshngain ia ki paidbah. U la ong ba ka jingplie ia kane ka Outpost kan phah ia ka khubor kaba khlain ba ka sorkar ka shim ia ka jingshngain ki paidbah kaba hakhmat tam.
U Conrad u la ong ba ka jingdon kane ka Outpost hajan ka khappud bad ka Assam kan pynrung ia ka mynsiem sngew shngain ha ki paidbah, bad ban iada na kano kano ka jingjia.
Ia ka Mallangkona Police Outpost la shna ha ka jinglut kaba T.17. 5 lak ha u snem 2019 na ka Police Infrastructure Renovation Fund (PIRF).
Ka Mallangkona Police Outpost ka hap ha Mawsynrut Civil Sub-Division, ka West Khasi Hills.
Ha kane ka sngi, la ioh ruh ia ka jingkren na u bah Prestone, ka kong Idashisha bad kiwei.