SHILLONG (PIB Shillong): Ia ka khusnam Indian Documentary Producers Association (IDPA) Award na ka bynta ka Best Student Film ha ka MIFF 2024 la ai sha ka 'Chanchisoa (Expectation); ka phlim ba la direct da ka Elvachisa Ch Sangma bad Dipankar Das. Ia kane ka phlim la pynmih da ka Dr Bhupen Hazarika Regional Govt Film & TV Institute.
U Myntri Sorkar Maharashtra ba dei khmih ia ka tnat Cultural Affairs, Sudhir Mungantiwar, President IDPA, Sanskar Desai, Festival Director bad Joint Secretary, ka tnat Information & Broadcasting, B Prithul Kumar bad u aktor Shekhar Suman ki la ai ia kane ka khusnam kaba wan lang bad ka trophy bad ka song pisa kaba T. 1 lak.
Kane ka khana ba lyngkot ka peit ia ka jinglong, ka jingieid bad ka jingiadei hapdeng ka mariang bad kawei ka longiing ha ka Garo Hills kaba bud ia ka rukom shim jait na ka kmie.
Ka cinematography kaba itynnad, ka khana kaba sngewtynnad bad ka jingtbit ki aktor ki iaid lang ryngkat ha kane ka phlim ban pyni ia ki jingeh kiba don ha kane ka longiing, kaba long ka jingjop kaba khraw khamtam namar ka dei ka phlim ba la shna da kiba dang pule.
Ka Elvachisa na Meghalaya ka la pyntbit ialade ha ka Cinematography. Ka jingsngewtynnad jong ka ban shna phlim ka wan na ka jingthrang ban pyni ia ki khana ba kyrpang kiba don ha ka deiriti jong ka. U Dipankar Das na North Lakhimpur, Assam u la dep pule kumno ban shna phlim bad u thrang ban shna ia ki phlim ba pher. U Dipankar u la kut jingmut ban pyniar ia ka jingnang jingstad bad ka jingieid jong u ia ka kam shna phlim.
Ka khusnam IDPA ia ka Best Student Film ka phlim Garo Chanchisoa
