SHILLONG: Ka sorkar jylla ka la pynkhreh ban pyllong ia ka Umiam kum kawei na ki jaka jngohkai ba kynsai ban pynpaw sha ka pyrthei khnang ban khring ia ki nongwankai suwari sha ka jylla.
Ka tnad khlaw ka jylla ka la mynjur ban ai ia ka jaka kaba heh 300 kar sha ka Meghalaya Tourism Development Corporation (MTDC) khnang ban pyllong ia katei ka jaka kaba biang nadong shadong.
Katkum ka jingong u myntri ka tnad jngohkai pyrthei, bah Paul Lyngdoh, na katei ka jaka yn pynkhreh ruh ban don ka helicopter ban kit ia ki nongwankai kiba kwah leit sha thain Sohra, sha New Shillong bad sha kiwei ki jaka.
Ka la don ruh ha ka jingpynkhreh ban pynkhie lung biang ia ka pung Umiam, kaba lait na ka jingjaboh, khnang ba kan pynhun ia kiba wankai haba ki ioh mad ha katei ka jaka.
Yn her ka Helicopter na Umiam sha Sohra bad kiwei ki jaka jngohkai
