SHILLONG: Ka seng Hynniewtrep Youth Council (HYC) ka la dawa na u myntri ka tnad Housing ba dei ban pyndam noh ia ka jingai kam ia ka kompeni na Kolkata, ka Hariana Iron Works Pvt. Ltd, Kolkata, West Bengal’, ka la wanrah da ki tin sop ïing kiba sdang lbiaw khlem iaid katkum ka jingthew kaba dei ban long.
Ka seng HYC ka la ujor ia kane ka jinglap, sha u myntri ka tnad shna iing ka jylla, u Marcuise N Marak.
Ka HYC ka la dawa ba dei ban weng noh mardor ia ka jingai kam ha kane ka kompeni kaba la pynkhein ia ka kyndon bad ka sorkar kam leh, ka seng kan iaid da kawei ka lynti.
Mynta ka 20 tarik Jylliew 2024, u President ka HYC u bah Roykupar Synrem u la ong ba katkum ka jingbtah na ka Director ka tnad shna iing ne Housing Department, ka jingrben ka tin ka dei ban long 0.45 mm bad ka jingjrong kaba 8 phut hynrei la kynnoh ba kane ka kompeni la wanrah pynban ia ki tin kaba stang thor thor kaba rben tang 0.25 mm.
Ki nongialam ka HYC ki la leit ban jurip ia ki kudam buh ia kine ki tin hynrei kiba bun ki kudam ki khnang tala bad don katno katne kiba la lap ba kim biang jingrben.
Suba jur ka HYC ba wanrah tin sop ka kompeni kaba stang thor thor bym biang jingthew
