SHILLONG: Ha shwa ba ngin ïoh ban rakhe ïaka Inter National Yoga day kata haka 21 tarik jylliew, 2024 ka RIBHOI DISTRICT YOGASANA SPORTS ASSOCIATION haka sien kaba nyngkong ka la ïoh ban pynlong ïaka District Level Yogasana Sports Awareness Program haka jingïatrei lang bad ka Ribhoi College lem bad ka Ophis u District Sports Ophisar, Ribhoi ïakaba la pynlong ha Ribhoi College.
Kum ban shu pynpaw hangne, ka RIBHOI DISTRICT YOGASANA SPORTS ASSOCIATION ka dei kaba la ïa snohkti lang bad ka Meghalaya Yogasana Sports Association (MYSA) bad kane ka MYSA ka dei ka Unit jong ka National Yogasana Sports Federation (NYSF) bad kaba la ithuh daka Ministry of Youth Affairs & Sports, Govt of India ha kajuh kapor ka dei ka Associated Member jong ka Indian Olympic Association.
Ka Jingthmu jong ka RBDYSA ban pynlong ïa kum kane ka program, ka long ban pyn tip sha ki paidbah ba ka Yogasana ka dei ka jait jingïalehkai kaba ngi lah ban ïa shim bynta kaba la ïa kot bor bad kiwei pat ki jingïalehkai bad ha kajuh kapor lyngba kane ka program ki khun samla kin ïoh ban pynmlien ïalade ban ïaleh Yoga khnang ba kin ïoh ïaka ka met kaba shait ba khlaiñ bad ba kin lait ruh iaka jingpang haka met ka phat bad khamtam ba kin lait naka jingpang haka bor jingpyrkhat.
Ha katei ka sngi la ïa don ryngkat lang u State Secretary MYSA bah Dipankar Nandi, Principal ka Ribhoi College EC Benny, M Singh, In charge Yoga Cell, Ribhoi College, kong YV Syiemlieh Program Ophisar ka NSS Ribhoi College haka jingïadon lang ki dkhot jong ka RBDYSA kiba kynthup naduh u President samla Wanborlang Malngiang, Samla Alfred Doloi District Treasures, Samla Damut Kynsai Wahlang, Secretary, Samla Babylon Lyngdoh,