SHILLONG: U myntri rangbah ka Assam u Himanta Biswa Sarma ula pynbna ha kane ka sngi u Blei ka 16 tarik Jylliew 2024, ba ka sorkar kan pynkut noh ia ka rukom barim, ba ki babu sorkar kin shu thang ding ei da kaba pynlut na ka pla ki paidbah.
U Himanta u la ong ba naduh ka 1 tarik Naitung 2024, ban wan, ma u kum u myntri rangbah bad u Chief Secretary kin siew ia ka bai thang ding.
U la ong ba kumba 30 lak man u bnai ka sorkar ka siew ia ka bai thang ki babu sorkar sha ka tnad sam bording bad kane ka pisa ka dei jong u paidbah. Kumta, naduh ka 1 tarik ki ophisar kin hap ban siew ia ka bai thang ding jongki.
Ha ka Twitter, u myntri rangbah ka Assam u la ong ba ka sorkar kan pynduh noh ia ka riti ki heh sorkar ne ka VIP culture ban shu thang ding da kaba pyndonkam da ka pisa u paidbah.
Ki ophisar kin hap siew bai thang ding ha Assam, ong u Himanta
