SHILLONG: Ka Riatsamthiah Women Social Welfare Organisation ha ka 15 tarik Jylliew 2024, ka la pynkup burom ia ki riew pawkhmat ka shnong, kiba la jop ha ki bynta bapher bapher jongki.
Ha kane ka sngi, la wan ban sakhi lang 3 ngut ki kyrtong kiba iakhun ia ka MLA elekshon 2023 na North Shillong, kynthup u bah Adelbert Nongrum uba la jop na ka VPP, nangta u bah Ransom Sutnga na ka NPP bad u bah Mariahom Kharkhrang na ka BJP, kiba la ai ruh ia ki jingkren jongki.
Kiwei kiba ai jingkren ki long ka President ka seng, kong B Diengdoh nalor kiwei.
Kiba shah pynkup burom ki long u samla Gordon Nomgbri, uba wan shakhmat ha ka eksamin klas XII Science, kong Silbi Passah iba la ioh ia ka khusnam Padmashri Award na ka President ka ri, nangta ka Kong Merial Malngiang bad ki khynnah skul.
Pynkup burom ka seng longkmie Riatsamthiah ia ki sohpyni ka shnong
